Üçüncü rübdə "Mercedes"in mənfəəti ötən ilin eyni dövrü ilə müqayisədə 48% azalaraq 2,52 milyard avro təşkil edib.

Valyuta.az bu barədə "Bloomberg"ə istinadən xəbər verior. 

İyul-sentyabr dövrü üçün marjalar 8% hədəfinə qarşı 4,7%-ə düşüb. Üstəlik, bu, 2021-ci ilin sonundan bəri ən aşağı marja səviyyəsidir.

Çindəki iqtisadi tənəzzül Alman avtomobil nəhənginə ağır zərbə vurub. Markanın avtomobillərinə, xüsusən "S-Class" və "Maybach" modellərinə tələb nəzərəçarpacaq dərəcədə azalıb. Bunun fonunda "Mercedes" artıq 2024-cü il üçün satış və mənfəət proqnozlarını aşağıya doğru düzəldib.

“Üçüncü rübün nəticələri bizim ambisiyalarımıza cavab vermir. Biz bazarın gələcək inkişafına ehtiyatla yanaşır və səmərəliliyi daha da artırmaq üçün hər cür səy göstərəcəyik”, deyə "Mercedes"in baş maliyyə direktoru Harald Vilhelm bildirib.

Keçən ay Almaniyanın digər böyük avtomobil istehsalçısı "Volkswagen" Almaniyadakı zavodlarını bağlamaq və 15 min işçini ixtisar etmək niyyətində olduğunu açıqlamışdı.

Paşa Məmədli