Norveç tarixində ilk dəfə olaraq ölkədə qeydə alınan elektrik avtomobillərinin sayı benzinlə işləyən avtomobillərin sayını ötüb.

Valyuta.az xəbər verir ki, bu barədə Norveç Yol Federasiyası (OFV) məlumat yayıb.

Assosiasiya vurğulayır ki, hazırda Norveçdə 2,8 milyona yaxın minik avtomobili qeydiyyatdadır, onlardan 754,3 mini (26,6%) tam elektrik, 753,9 mini (26,4%) benzin mühərrikləridir.

Federasiya bu məqamın tarixi olduğunu vurğulayıb. OFV-nin proqnozlarına görə, 2026-cı ilə qədər Norveçdə elektriklə işləyən avtomobillər benzinlə işləyən avtomobillərdən daha çox ola bilər.

Sentyabrın 10-da Avropa İttifaqının "Tesla" modelləri də daxil olmaqla, Çindən idxal edilən elektrik avtomobilləri üçün təklif olunan əlavə tarifləri bir qədər azaltmağa hazırlaşdığı bildirilir.

"Tesla" üçün əlavə dərəcə 9%-dən 8%-ə qədər yenidən nəzərdən keçiriləcək. Oxşar düzəlişlər digər avtomobil istehsalçılarına da təsir edəcək. Qərar şirkətlərin yeni məlumatlardan sonra qəbul edilib.

Paşa Məmmədli