Amerikanın "Ford" şirkətinin rəhbəri Cim Farli hesab edir ki, Çində elektromobil istehsalının sürətli inkişafı ABŞ-ı xarici bazarlar uğrunda mübarizədə ciddi liderliklə təhdid edir. 

Valyuta.az TASS-a istinadla xəbər verir ki, bu barədə "The Wall Street Journal" məlumat yayıb.

Nəşr Farlidən sitat gətirir: "Bu, ekzistensial təhlükədir".

Qeyd olunur ki, Çin avtomobil istehsalçıları ABŞ-da analoqu olmayan süni intellekt və digər yeni texnologiyalardan istifadə etdikləri üçün “işıq sürəti ilə inkişaf edirlər”.

Qəzet yazır ki, onilliklər ərzində "Ford" və digər qlobal avtomobil istehsalçıları Çinə ciddi təhlükə kimi baxmadılar. Bununla belə, "metodik investisiya" və "səxavətli dövlət subsidiyaları" Çin şirkətlərinə irəliyə doğru böyük bir addım atmağa imkan verib. İndi isə ucuz qiymətlər və quraşdırılmış yüksək texnologiyalı xüsusiyyətlər sayəsində Çin elektrik avtomobilləri Avropa, Yaxın Şərq və Asiyada populyarlıq qazanır. 

Nicat