Almaniyanın "Volkswagen" şirkəti yenilənmiş "Taos" krossoverinin şəklini yayıb. Modelin debütü sentyabrın 12-də baş tutacaq. 

Valyuta.az xəbər verir ki, bu barədə "Volkswagen"in mətbuat xidməti məlumat yayıb.

Şəkilə əsasən, avtomobil yuxarı hissəsi işıqlandırılmış dəyişdirilmiş radiator barmaqlığı və yeni faralar əldə edəcək. Bundan əlavə, bamperlərin plastikinin, təkərlərin dizaynının dəyişəcəyi, arxa işıqların isə jumper alacağı gözlənilir.

Krossover 1,4 və 1,6 litrlik mühərriklərlə təchiz edilib. Sürət qutuları mexaniki, robotik və ya klassik avtomatikdir. Ön təkərli və ya tam ötürücülüdür.

Paşa Məmmədli