"Audi" yeni nəsil Q5 krossoverini təqdim edib. 

Valyuta.az alman avtomobil istehsalçısının mətbuat xidməti xəbər verir ki, avtomobil yeni PPC platformasında qurulan ilk krossover olub və qismən elektrikləşdirilmiş daxiliyanma mühərrikləri ilə təchiz edilib.

Yeni nəsildə avtomobil təkamül inkişafını qəbul edən xarici dizayn, eləcə də köklü şəkildə yenidən işlənmiş interyer alıb. Krossoverin radiator barmaqlığında zəncir halqalarını xatırladan iri elementlərdən ibarət naxış var. Baş optikasının dizaynı dəyişdirilib, arxa işıqlar işıq zolağı ilə birləşdirilib.

Ön paneldə müxtəlif bucaqlarda quraşdırılmış üç displey var. A5 modeli əvvəllər bu interyeri almışdı. İlkin mərhələdə Q5 Avropada 48 voltluq bort sistemi və 24 at gücündə artımı təmin edən starter-generatoru olan üç mühərrik alacaq. Krossover 204 at gücünə malik 2.0 TFSI benzin turbo mühərriki, eyni gücə malik 2.0 dizel mühərriki və SQ5 versiyasını gücləndirən 306 at gücünə malik benzin V6 mühərriki ilə mövcuddur. Krossover robotlaşdırılmış transmissiya və tam ötürücü ilə təchiz edilib.

Paşa Məmmədli