Yaponiyanın "Toyota" şirkətinin yeni avtomobillərinin satışı ilə bağlı hesabatlarda markanın 2022-ci ildə Rusiya bazarını tərk etməsinə baxmayaraq, Rusiyada satılan avtomobillər aşkar edilib. 

Valyuta.az xəbər verir ki, bu barədə “Rossiyskaya qazeta” məlumat yayıb.

“2024-cü ilin iyul ayında Rusiyada avtomobil istehsalçısının sənədlərinə əsasən, 5 "Toyota" avtomobili satılıb ki, bu da ötən ilin eyni ayındakı nəticədən 78,3% azdır", deyə nəşr qeyd edib.

“Toyota Motor” avtomobil istehsalat korporasiyasının Rusiyada öz avtomobillərinin istehsalını, habelə hazır avtomobillərin Rusiya Federasiyasına ixracını dayandırması 2022-ci ilin yazında məlum olub.

“Sankt-Peterburqdakı zavodumuzda komplektləşdirici hissələrin tədarükü ilə bağlı problemlər səbəbindən istehsal tamamilə dayandırılıb”, deyə şirkətdən bildiriblər.

Korporasiyanın mətbuat xidməti qeyd edib ki, Rusiyaya avtomobillərin tədarükü istehsal zəncirləri və ixrac kanalları ilə bağlı problemlər səbəbindən dayandırılıb, aydınlaşdırıb.

1998-ci ildə Yaponiya şirkəti Moskva nümayəndəliyini açıb. 2002-ci ilin aprelində "Toyota Motor" rəsmi olaraq Rusiyada fəaliyyətə başlayıb. 2005-ci ildə "Toyota" Rusiya İqtisadi İnkişaf Nazirliyi və Sankt-Peterburq administrasiyası ilə Şuşarı kəndində avtomobil yığımı zavodunun tikintisinə dair müqavilə imzalayıb. İstehsal 2007-ci ilin sonunda başlayıb.

Paşa Məmmədli