"Nissan" soyuducu effektli avtomobil boyası yaradıb.

Valyuta.az xəbər verir ki, bu barədə istehsalçının mətbuat xidməti məlumat yayıb. 

Qeyd olunur ki, əvvəllər belə örtük yalnız binaların rənglənməsi üçün istifadə olunurdu.

"Radi-Cool" ilə əməkdaşlıqda yaradılmış yeni boya günəş şüalarını əks etdirməyə və istilik enerjisinin avtomobilin içərisinə nüfuz etməsinə imkan verməməyə qadirdir. Onun sayəsində avtomobilin səthinin temperaturu adi örtüklə müqayisədə 12 dərəcə, salonda isə 5 dərəcə aşağı düşür. Nəticədə kondisioner sisteminə və elektrik stansiyasına düşən yük azalır.

Bundan əlavə, boya müxtəlif növ zədələrə, o cümlədən qırılmalara, soyulmaya və cızılmalara davamlıdır.

Paşa Məmmədli