Elektrikli avtomobillərə marağın artdığı indiki vaxtda bir çox şirkətlər öz elektrik avtomobillərini təqdim edirlər. Bu avtomobillərin bəziləri süni intellekt texnologiyaları sayəsində sürücüsüz özlərini idarə etmək qabiliyyətinə malikdirlər. "Tesla" özünün ən qabaqcıl avtonom sürücülük proqramını sınaqdan keçirmək üçün Çini seçib. 

Teslanın bu qərarı avtonom nəqliyyat vasitələrinin yayılması baxımından Çinə verdiyi əhəmiyyəti göstərir.

Tesla ilk olaraq Şanxaydakı fabrikinin yaxınlığında sınaqlar keçirəcək. Şirkətə bu bölgədə 10 elektrik avtomobili ilə ilk sınaqlara başlamağa icazə verilib.

"Tesla" -nın CEO-su Elon Musk daha əvvəl Çində tam avtonom idarəetmə texnologiyasını təqdim edə biləcəklərini paylaşmışdı.
Çində bəzi yerli hökumətlər üçüncü və dördüncü səviyyəli avtonom idarəetməyə malik kütləvi istehsal avtomobillərinin, coğrafi cəhətdən məhdudlaşdırılmış ərazilərdə də olsa, ictimai yollarda sınaqdan keçirilməsinə icazə verən qanunlar qəbul ediblər.

Səviyyə 5 avtonom sistem sürücünün istənilən nöqtədə idarəetməni öz üzərinə götürməsinə ehtiyac olmadan istənilən ərazidə və istənilən şəraitdə avtomobili idarə etməyə imkan verir.

Tesla avtomobillərindən alınan məlumatlar daim işlənir və FSD-nin istifadə etdiyi modelləri yaratmaq üçün istifadə olunur.

Bu məlumatlar şirkətin öz superkompüterində təhlil edilir və süni intellektin öyrədilməsi təmin edilir. Bütün bu proses daha sonra uzaqdan yeniləmə vasitəsilə "Tesla" modellərinə ötürülür.

Əvəz Həsənov