“BMW” yeni texnologiyalara sərmayə qoymağa davam edir. Bavariya istehsalçısı öz müəssisələrində Boston Dynamics-in “Spot” adlı "robot itlərindən" istifadə etməyə başlayacaq.

Avtosfer.az xəbər verir ki, bu robotlardan ilk dəfə markanın “Hams Hall” adlı mühərrik istehsal edən müəssisəsində istifadə olunub.

Alman istehsalçısı bu robotları "SpOTTO" adlandırıb. Otto adı iki fərqli şeyi təmsil edir. İlk olaraq təbii ki, BMW-nin yaradıcısı Qustav Ottodur. İkincisi, Qustavın oğlu və dörd silindrli daxili yanma mühərrikinin ixtiraçısı Nikolay Ottonun adı ilə bağlıdır.

Bəs SpOTTO-nun marka müəssisələrindəki xidməti nə olacaq? İngiltərədəki “Hams Hall” müəssisəsinin yeni üzvü olan bu robot müəssisənin fəaliyyətinin davam etdirilməsi üçün kritik olan bölmələri daim nəzarətdə saxlayacaq. SpOTTO, həm vizual, həm termal, həm də akustik sensorlardan istifadə edərək həddindən artıq qızan maşınları və ya sıxılmış hava borularında baş verə biləcək sızmaları yoxlayacaq.

SpOTTO həmçinin “Hams Hall”da istifadə müddətində öyrənməyə də davam edəcək. 
“BMW”nin əsas məqsədi robotun analoq nəzarətçiləri oxumaq qabiliyyətinə sahib olmasıdır. Bu yolla marka gələcəkdə istehsal olunacaq modellər üçün də lazımi məlumat toplusunu təmin edəcək.