Stenford Universitetinin tədqiqatçıları belə qənaətə gəliblər ki, gələcək nəsil elektrik avtomobillərində bir dəfə doldurulmaqla 1120 kilometrdən çox məsafə qət etməyə imkan verən litium-metal akkumulyatorlar olacaq. Yəni müasir elektromobillərdən iki dəfə çoxdur. 

Valyuta.az xəbər verir ki, bu barədə naked-science.ru məlumat yayıb.

Elm adamları, az sayda doldurulma və boşalma dövrlərindən sonra enerji saxlamaq qabiliyyətini nisbətən tez itirən litium metal batareyalar probleminin həllini tapıblar.

Davamlı doldurma və boşalma litium metal akkumulyatorların sürətlə xarab olmasına səbəb olur ki, bu da onları elektrik nəqliyyat vasitələrində gündəlik istifadə üçün yararsız edir. Batareya boşaldıqda, mikron ölçülü litium metal parçaları təcrid olunur və anod və elektrolitin qovuşduğu yerdə əmələ gələn süngər matrisi olan bərk elektrolit interfasial fazasında (SEI) tələyə düşür.

Stanford alimləri müəyyən ediblər ki, akkumulyatorun boşalmış vəziyyətdə “istirahətə” buraxılması itirilmiş tutumu bərpa edə və xidmət müddətini artıra bilər.

Paşa Məmmədli