"Mercedes-Benz" satış prosesini asanlaşdırmaq üçün Almaniyadakı 80 salonunun hamısını müxtəlif diler qruplarına satmağı düşünür. 

Valyuta.az xəbər verir ki, bu barədə alman avtomobil istehsalçısının mətbuat xidməti məlumat yayıb.

Şirkət Avropada filialların daha müstəqil təşkili təcrübəsini öyrənir və rəqəmsallaşma və elektromobillik dövründə öz pərakəndə şəbəkəsinin strukturunu sınaqdan keçirməyi planlaşdırır.

Satış halında, bütün şəbəkənin bir ələ keçirilməsi, 8 minə yaxın iş yerinin bağlanması və ya işdən çıxarılması istisna olmaqla, hər bir satış nöqtəsi üçün səlahiyyətli alıcı tapılacaq.

"Mercedes-Benz Group AG" 2023-cü ilin birinci yarısında 167 727 nəfərlik heyəti ilə dünyanın ən böyük avtomobil istehsalçılarından biridir.

Paşa Məmmədli