Bəzi şəxslərin aylıq avtomobil xərci çox olur. O şəxslərdən “Qazandığım maşındadır” kimi zarafatlarını da eşidirik. Lakin bu heç də normal hal deyil. Bəs avtomobilimizin aylıq xərci nə qədər olmalıdır?

Avtomobil təlimçisi Adil Nəbiyev Valyuta.az-a açıqlamasında bildirib ki, ilk olaraq xərclərini qarşılaya biləcəyimiz avtomobil almaq lazımdır: “Aylıq xərc dedikdə, yanacaq, yağlama, tormoz sistemi, mayelər, şinlər - bir sözlə, ümumi aylıq və illik xərclər nəzərə alınmalıdır. Bəzi avtomobillər var ki, xərci bir ailənin xərcindən çoxdur. Məsələn, elə avtomobillər var ki, mühərriki xarab olsa, onun yığılmasına bir illik əməkhaqqının xərci qədər vəsait lazım olur. Yəni yorğanımıza görə ayağımızı uzatmalıyıq”.

A.Nəbiyev deyir ki, avtomobil xərcimiz aylıq gəlirimizin çox hissəsini təşkil etməməlidir: “İkinci əl avtomobil alırıqsa, elə bir avtomobil seçməliyik ki, onun xərci gəlirimizin 20, maksimum 30 faizini keçməsin. Ümumiyyətlə, gəlirimizin yarısından çoxu avtomobilimizin xərclərini qarşılamırsa, bu cür avtomobili saxlamamalıyıq”.

Əvəz Həsənov