"Toyota" Brüsseldə keçirilən konfransda ölçülərinə görə benzinli C-HR-ə bənzər şəhər elektrik krossoveri konseptini təqdim edib.

Valyuta.az xəbər verir ki, yeni modelin ümumi uzunluğu 4300 mm, eni 1820 mm, hündürlüyü 1620 mm-dir. Avtomobil ön təkərli və tam ötürücülü, təkmühərrikli və ikimühərrikli versiyalarda təqdim olunacaq. Alıcı həmçinin dartma batareyasının tutumunu iki variantdan seçə biləcək.

"Toyota" konsepti C-HR-dən daha qısa və dardır, "Volvo EX30" ilə rəqabət aparacaq.

Avtomobil istehsalçısı "Urban" SUV-nin ətraflı texniki xüsusiyyətlərini təqdim etmir. Eyni zamanda, yeni krossoverin Yaponiya korporasiyasının Avropa bazarına çıxarmaq niyyətində olduğu altı elektrik modeli arasında ən yığcamı olacaq və münasib qiymətə satılacaq.

İstehsal versiyası 2024-cü ildə təqdim ediləcək. Avropada "Toyota" elektrik modellərinin sayı 2026-cı ilə qədər altıya çatdırılacaq.

Paşa Məmmədli