“Porsche”nin əfsanəvi 1993-cü il modeli 911 Carrera RSR indi hərraca çıxarılıb. Cəmi 10 kilometr sürülən bu idman avtomobili markanın ən nadir modellərindən biri kimi xarakterizə edilir.

Bəs, bu 30 yaşlı Porsche-nin satış qiyməti nə qədər olacaq?

Gələn ay hərraca çıxarılacaq bu avtomobil indiyə qədər istehsal edilən ən nadir “Porsche” modellərindən biri kimi diqqəti çəkir. Bildirilir ki, 911 Carrera RSR 3.8 "Strassenversion" adlı bu avtomobil mövcud iki versiyadan biridir. 2 ilə 2,5 milyon dollar arasında qiymətə alıcı tapacağı gözlənilən bu xüsusi avtomobil cəmi 10 kilometr olduğu və orijinal fabrik örtüyünü saxladığı üçün daha da nadir hala gəlib. Lakin uzun illər İtaliyada anbarda saxlandığı üçün çox çirkli vəziyyətdədir.

SR modeli özəl yarış komandaları üçün nəzərdə tutulmuş ultra yüksək performanslı avtomobil kimi istehsal edilib. 3,8 litrlik mühərriki ilə 325-350 at gücü hasil edən bu model cəmi 50 ədəd istehsal edilib. O, ilk sahibi tərəfindən xüsusi olaraq sifariş edilmiş jaklar, sərnişin oturacağı və ikili yarış mühərriki daxil olmaqla geniş fərdi avadanlıqlara malikdir.

Avtomobilin salonu qırmızı dəri və xarici metal gümüşüdür və heç vaxt təmir olunmayıb. 1993-cü ildə xüsusi olaraq istehsal edilərək ilk sahibinə təhvil verilən bu avtomobil 30 ildən artıq anbarda saxlanılıb.

Satış qiyməti nə qədər olacaq?

911 Carrera RSR noyabrın 25-də Əbu-Dabidə keçiriləcək hərracda öz sahibini tapmağa çalışacaq. Çox aşağı yürüşü, toxunulmaz dizaynı ilə təkliflərin 2,5 milyon dollara çatacağı gözlənilir.

Nuray