"Toyota" Şimali Amerika bazarı üçün "Crown Signia" hibrid krossoverini təqdim edib. Valyuta.az xəbər verir ki, istehsalçının mətbuat xidməti avtomobilın satışına 2024-cü ilin yayında başlanacağını açıqlayıb.

"Crown Signia" iki elektrik mühərriki olan 2,5 litrlik dörd silindrli mühərrik əsasında hibrid güc aqreqatı ilə təmin edilib, quraşdırmanın ümumi gücü 243 at gücünə bərabərdir. Tam ötürücü sistemi modelin əsas avadanlıqlarına daxildir.

Avtomobil iki trim səviyyəsində mövcud olacaq. Avadanlıqların siyahısına 21 düymlük təkər diskləri, smartfon üçün simsiz enerji doldurma, iki 12,3 düymlük diaqonal ekran, adaptiv kruiz kontrollü təhlükəsizlik sistemləri dəsti və zolaq dəyişdirmə yardımı sistemi, oturacaqların dəri bəzəkləri, panoramik dam və digər variantlar daxildir. 

Yeni model ABŞ-da "Crown" ailəsində sedandan sonra ikinci, yerli bazarda isə 19-cu elektrikləşdirilmiş model olacaq.

Paşa Məmmədli