Ölkəyə xaricdən gətirilən avtomobillərin qiyməti artıb.

Dövlət Gömrük Komitəsinin məlumatına görə, ötən ilin yanvar-sentyabr aylarında bir ədəd nəqliyyat vasitəsinin orta idxal qiyməti 13,4 min dollar olduğu halda, bu ilin eyni dövründə bu rəqəm 16,5 min dollar təşkil edib. Bu da illik müqayisədə üç min dollardan çox bahalaşma deməkdir.

Nəqliyyat məsələləri üzrə ekspert Eldəniz Cəfərov deyir ki, bu artım həm ölkəyə gətirilən yeni avtomobillərin qiymətlərinin, həm daşınma xərclərinin artması ilə əlaqəlidir.

Rəsmi dilerlərin xaricdən gətirdikləri avtomobillərə gəldikdə isə ekspert bildirib ki, onlar qiymətin yüksəlməsində maraqlı deyillər.

İdxal qiymətlərinin avtomobil bazarına təsirinə toxunan E.Cəfərov bildirib ki, hazırda bazarda qeyri-aktivlik müşahidə edilir, qiymətlərdə yüksəlmə yoxdur. İlin sonuna kimi də qiymətlərdə dəyişiklik gözlənilmir. Onu da qeyd edək ki, sonuncu dəfə bu ilin avqust ayında ölkəyə idxal olunan yeni avtomobillərin qiymətində 3-5 faiz artım qeydə alınıb.

Daha ətraflı süjetdə: