Çinin elektrik avtomobil şirkəti BYD-nin səhmləri oktyabrda 17% ucuzlaşan "Tesla"nı ötərək təxminən 1% artıb.

Valyuta.az xəbər verir ki, bu barədə "Bloomberg" yazır.

Qeyd olunur ki, analitiklər Çin şirkəti üçün qazanc proqnozlarını bu ayın əvvəlki rüblük hesabatından bəri rekord həddə çatdırıblar.

Bundan əlavə, nəşr vurğulayır ki, BYD artan rəqabətə və Çinin elektrik avtomobillərinə tələbatın ümumi azalmasına baxmayaraq, çox güman ki, rekord yüksək satışlar əldə edəcək.

BYD son rübdə hibridlər də daxil olmaqla 822 mindən çox avtomobil satıb və bu, Çində ən çox satılan marka statusunu möhkəmləndirməyə kömək edib.

Bu ayın əvvəlində İlon Mask ABŞ-da artan faiz dərəcələrinin onun satışlarına zərər verdiyini deyərək, qlobal elektrikli avtomobil sektorunu dəhşətli bir proqnozla təşvişə salıb. 

"Tesla"nın nəticələri tələbi artırmaq üçün başlatdığı aylarla davam edən qiymət müharibəsindən də əziyyət çəkir. Analitiklər ABŞ istehsalçısı üçün səhm başına qazanclarını azaldır, BYD üçün isə perspektivlər yüksəlir", - hesabatda deyilir.

Nicat