Alman avtomobil istehsalçısı BMW ikinci nəsil X2 kross-kupesini təqdim edib. 

Valyuta.az xəbər verir ki, yeni məhsulun dünya bazarlarında satışı 2024-cü ilin martında başlayacaq. Bu barədə şirkətin mətbuat xidməti məlumat yayıb.

Birinci nəsil avtomobillə müqayisədə yeni məhsul demək olar ki, 200 mm uzundur, təkər bazası isə 230 mm artıb. Avtomobil indi daha maili arxa dam xəttinə malikdir və bu onu daha da kupeyə bənzədir. Modelin aerodinamik müqavimət əmsalı 0,25-dir.

İnteryerdə böyük 10,7 düymlük əyri displey və orijinal qrafika ilə 10,25 düymlük rəqəmsal alət paneli var. Opsiyonel olaraq panoramik dam da mövcuddur. Avtomobil media sistemini və avtomobilin funksionallığını idarə etmək üçün doqquzuncu nəsil iDrive sistemi ilə təmin edilib.

Avropada baza 170 at gücünə malik 1,5 litrlik benzin mühərriki olacaq. Ən yaxşısı 300 at gücünə malik iki litrlik mühərrikdir. Bundan əlavə, avropalılara 150 at gücündə dizel mühərrik təklif olunacaq. Bütün versiyalar üçün sürət qutusu yeddi pilləli robotikdir.

BMW iX2-nin ümumi gücü 313 at gücü olan iki elektrik mühərriki (hər ox üçün bir) ilə təchiz edilmiş elektrik versiyası da təqdim olunur. Enerji ehtiyatı - 450 km. 0-dan 100 km/saat sürətlənmə 5,6 saniyədir.

Paşa Məmmədli