Çinin elektrikli avtomobil startapı "WM Motor" çətin bazar şərtləri fonunda müflis olub. 

Valyuta.az xəbər verir ki, bu barədə "Reuters" məlumat yayıb.

Bildirilir ki, texnologiya nəhəngi "Baidu Inc." tərəfindən dəstəklənən "WM Motor" son aylarda maliyyə çətinlikləri ilə üzləşib. Problemlər koronavirus pandemiyası fonunda, həmçinin xammalın qiymətlərinin artması və çiplərin kəskin çatışmazlığı səbəbindən yaranıb.

Şirkət Çin üzrə 100-dən çox dilerdə öz avtomobillərinə müntəzəm texniki xidmət göstərməyi davam etdirməyi planlaşdırır. Brendin gələcək taleyi ilə bağlı hələ heç nə məlum deyil.

Paşa Məmmədli