"Toyota" korporasiyası Yaponiyada yeni "Crown Sport" krossoverini təqdim edib.

Valyuta.az xəvər verir ki, model yapon avtomobil istehsalçısının əvvəllər qlobal bazara çıxarmaq qərarına gəldiyi yeni "Toyota Crown" ailəsinin bir hissəsidir. Noyabrda satışa çıxarılacaq "Crown Sport" krossoverindən sonra avtomobil istehsalçısı Yaponiyada sedan və daha böyük "Crown Estate" krossoverini təqdim etməyi planlaşdırır. 

"Crown Sport"un ümumi uzunluğu 4720 mm-dir. Avtomobil 21 düymlük təkər diskləri ilə təmin edilib.

Krossoverin interyeri klassik üslubda tərtib edilib və sürücünü idarə edərkən lazımsız göz hərəkətlərindən xilas etmək üçün alətlər paneli və media sisteminin displeyi eyni xəttdə quraşdırılıb. Mühəndislər həmçinin giriş-çıxışı asanlaşdırmaq üçün eşiklərin hündürlüyünü və qapı örtüklərinin formasını optimallaşdırdılar.

"Crown Sport" modeli Yaponiyada 2,5 benzin mühərriki əsasında hibrid ötürücü ilə satışa çıxarılacaq. Yenidən doldurulan versiya da olacaq. Avtomobil "McPherson" dayaqları ilə ön asma və çoxbucaqlı arxa asma ilə təmin olunub. "Crown Sport" altı əsas xarici rəngdə və beş iki rəngli kombinasiyada mövcuddur. Yaponiya bazarında "Crown Sport"un qiyməti 5,9 milyon yendən (67.4 min AZN) başlayır.

Paşa Məmmədli