Alman avtomobil istehsalçısı "Audi" benzinli "Audi R8" idman kupesinin varisi olacaq elektrik avtomobili buraxmağa hazırlaşır. 

Valyuta.az xəbər verir ki, bu barədə "Autocar" xəbər verir.

Bu məqsədlə yaradılmaqda olan SSP platformasının elementlərindən istifadə olunacaq və onların əsasında xeyli sayda yeni "Volkswagen Group"u avtomobilləri istehsal ediləcək. 

"Audi"nin texniki direktoru Oliver Hoffmanın sözlərinə görə, "Audi TT" və "Audi R8" ruhunda olan idman avtomobillərində SSP arxitekturasının elementlərindən istifadə olunacaq.

"Autocar" mənbələrinin məlumatına görə, "Audi R8"in elektriklə işləyən varisi üzərində işlər sürətlə davam edir. Avtomobil əvvəlki konseptlə hazırlanacaq - o, superkar xüsusiyyətlərinə və yüksək gücə malik ikiqapılı kupe olaraq qalacaq. Benzinli "Audi R8"in istehsalı 2023-cü ildə dayandırılmalıdır.

Paşa Məmmədli