Yeni "Hyundai" "Santa Fe" krossoveri 10 avqust 2023-cü ildə təqdim olunacaq. 

Valyuta.az xəbər verir ki, bu barədə motor1.com məlumat yayıb.

Model haqqında tam məlumat premyera günü dərc olunacaq. Lakin məlumdur ki, təkər bazası artırılıb və ön asqı hazırkı krossoverdən daha qısa edilib. Yeni nəsil avtomobilin geniş salonu və baqajı olacaq. İkinci və üçüncü cərgə oturacaqları düz bir döşəmə yaratmaq üçün aşağı qatlanır. Ön paneldə iki ekran (hər biri 12,3 düym) olan düzbucaqlı modul var.

Sükan sütununda ayrıca selektor ötürmənin idarə edilməsinə cavabdehdir və mərkəzi tuneldə smartfonların simsiz doldurulması üçün iki platforma yerləşir.

Paşa Məmmədli