Gürcüstan Milli Statistika İdarəsinin ilkin hesablamalara əsasən təqdim etdiyi hesabatında bildirilir ki, 2023-cü ilin yanvar-may ayları ərzində bu ölkədən Azərbaycana 189,18 milyon dollar dəyərində 12 916 ədəd avtomobil ixrac edilib. Bildirilib ki, 2022-ci illə müqayisədə Azərbaycana ixrac edilən avtomobillərin dəyəri bu il 92,55 milyon dollar və ya 95,7%, sayı isə 1 239 ədəd və ya 10,6% çoxalıb. 2022-ci ilin ilk beş ayı ərzində Gürcüstan Azərbaycana 96,63 mln. dollar dəyərində 11 677 ədəd avtomobil ixrac edib.

Cari il Gürcüstan ümumilikdə 1 mlrd. 15 mln. dollar dəyərində avtomobil ixrac edilib ki, Gürcüstanın avtomobil ixracında Azərbaycanın payı təxminən 18 faiz olub. 

Valyuta.az-a açıqlamasında iqtisadçı ekspert Fuad İbrahimov bildirib ki, qonşu ölkədən Azərbaycana ixrac edilən avtomobillərin sayındakı artım istismar müddəti 10 ildən yuxarı avtomobillərin həmin dövrə qədər sürətlə gətirilməsi öz təsirini göstərib: 

“Azərbaycanda verilən qərara əsasən, istismar müddəti 10 ildən çox olan avtomobillərin ölkəyə idxalı artıq dayandırılıb. Bu fonda qonşu ölkədən Azərbaycana ixrac edilən avtomobillərin sayında baş verən 10 faizlik artıma istismar müddəti 10 ildən yuxarı avtomobillərin həmin dövrə qədər sürətlə gətirilməsi təsir göstərib. 

Gürcüstanda avtomobil istehsal edilmir. Həmin ərazidən sadəcə tranzit yolu kimi istifadə olunur. Ora avtomobillər sadəcə xaricdən gətirilir. Gürcüstanda avtomobil sahəsi üzrə gömrük rəsmiləşdirilməsi çox sadədir. Ona görə də qonşu ölkə avtomobil ixracı sahəsində özlərini region olaraq mərkəz kimi gündəmə gətirə biliblər. Bunun nəticəsidir ki, Rusiyanın cənub regionu, Orta Asiya və Azərbaycan avtomobil idxalında Gürcüstan bazarına daha çox meyl edir”.

Ramiz