"Hesab edirəm ki, Azərbaycanda avtomobil parkının yenilənməsinə böyük ehtiyac var. Ölkədə avtomobillərin sayı 1,5 milyona yaxınlaşıb. Bunların 86 faizi ili 7 ildən 10 ilə yaxınlaşan avtomobillərdir".

Valyuta.az xəbər verir ki, bu sözləri "ARB24"də yayımlanan "İş vaxtı" verilişində qonaq olan iqtisadçı Eyyub Kərimli bildirib.

O əlavə edib ki, bankların kredit şərtləri ilə bağlı gedən söhbətlər yaxşı haldır: "Burada faizlər daha da aşağı olsa yaxşı olar. Azərbaycanda avtomobil parkının yenilənməsi və hibrid avtomobillərin gətirilməsi müsbət haldır. Dövlət də buna dəstək verməli və güzəştli şərtlərlə kreditlər formasına avtomobil parkının yenilənməsinə təsir göstərməlidir".