Avtomobil bazarında hibrid avtomobillərin satışında duğrunluq yaranıb. Alıcı qıtlığından gileylənən satıcılar qiymətlərin bahalaşdığını da etiraf edirlər. Xarici avtomobil bazarından ikinci və üçüncü əl olaraq alınan bu avtomobillər yerli bazarda heç də ucuz satılmır. Elə durğunluğun da səbəbi budur.

Bu avtomobilləri satan kifayət qədər olsa da, alan azdır.

Söhbət hibrid avtomobillərdən gedir. Satıcılar bu avtomobillərə tələbatın əvvəlki aylara nisbətən azaldığını deyir.

Avtomobil sayı kifayət qədər olsa da, bazarda alıcı tək-tək gözə dəyirdi. Onlar da axtardığı avomobili tapmaqda çətinlik çəkirdilər.

Satıcılar bildirib ki, bu avtomobillərin qiymətində 4-5 aydır bahalaşma var. Onlar bahalaşmanın səbəbini isə daşınma xərcləri ilə əlaqələndiriblər.

Qeyd edək ki bu avtomobillər ölkəmizə əsasən ABŞ və Koreyadan dəniz yolu ilə gətirilir.