Yaxın zamanlarda Zaqatala rayonunun fındıq bağlarında kütləvi yığıma start veriləcək. Yazlıq fındıq sortlarının yığımı isə davam edir. 

Valyuta.az xəbər veri ki, rayonda 20 183,4 hektar fındıq bağı mövcuddur. Bunlardan 13 183 hektarı bar verən yaşda olan bağlardır. 

Qeyd edək ki, məhsulun erkən yığımı fındığın keyfiyyətinə mənfi təsir edir. Eyni zamanda erkən yığım ağacların strukturunu zədələyir, nəticədə növbəti illərdə bağlarda orta məhsuldarlıq aşağı düşür. 

Bu səbəbdən Kənd Təsərrüfatı Nazirliyi yerlərdə fındığın erkən yığımının mənfi təsirləri ilə bağlı fermerlər arasında davamlı maarifləndirmə işləri aparır. 

Görülən işlər nəticəsində fındıqçılıq rayonlarında erkən yığım faizi kifayət qədər azalıb.

Ömər Vəzirli