2021-ci ilin ilk 6 ayında (yanvar-iyun) Azərbaycandan 123 milyon 588 min dollar dəyərində 113 min 837 ton pomidor ixrac olunub.  

Bu barədə Valyuta.az Dövlət Gömrük Komitəsinin yaydığı hesabata istinadən xəbər verir.

Belə ki, pomidor ixracı ötən ilin ilk 6 ayı ilə müqayisədə 2021-ci ilin ilk 6 ayında dəyər ifadəsilə 23,8%, miqdar ifadəsilə 23,5% azalıb. 2020-ci ilin ilk 6 ayında Azərbaycandan 162 milyon 316 min dollar dəyərində 148 min 832 ton pomidor ixrac edilmişdi.

Rusiyanın Azərbaycandan pomidor idxalına məhdudiyyətlər tətbiq etməsi ixracın düşməsinə səbəb olmuşdur. Rusiyanın məhdudiyyətləri ləğv etməsilə Maydan pomidor ixracı sürətlənib, lakin indiyədək ötənilki səviyyələri aşa bilməyib.