Kənd Təsərrüfatı Nazirliyinə məxsus “Aqrar Tədarük və Təchizat” ASC nəqliyyat vasitələrinin 1 illik könüllü (KASKO) sığortası üçün təkliflər sorğusu elan edib.

Valyuta.az xəbər verir ki, cəmiyyət sorğuda iştirak etmək istəyənlərə müraciət edib.

Bildirilir ki, müraciət etmək istəyənlər təkliflərini iyunun 3-ü, saat 18:00-a qədər səhmdar cəmiyyətinin yerləşdiyi Bakı şəhəri, Nərimanov rayonu, Əhməd Rəcəbli küçəsi, 1/3 ünvanına təqdim edə bilərlər. ASC onlar üçün telefon nömrəsini də ((012) 599-86-74) qeyd edib.

Təkliflərə iyunun 3-də, saat 18:00-da qeyd olunan ünvanda baxılacaq.