“Mələk İnvestorlar Məktəbi” 15-17 may tarixlərində beynəlxalq ekspertlər tərəfindən keçiriləcək ikinci təlim sessiyaları üçün Yel çərşənbəsinə özəl 30% endirim təqdim edir.

Bayram endirimi yalnız 2 gün - 12-13 mart tarixləri ərzində davam edəcək. Endirimdən faydalanmaq üçün //angelinvestor.az/ keçid linkinə daxil olaraq YEL30 promokodundan istifadə edərək qeydiyyatdan keçmək lazımdır. 

Məktəbin eyni zamanda Early Bird adlı endirim kampaniyası da var ki, bu kampaniya aprelin 1-ədək qeydiyyatdan keçən şəxslərə şamil olunur. 

Azərbaycanda ilk dəfə fəaliyyətə başlayan “Mələk İnvestorlar Məktəbi”nin məqsədi  ölkədə yerli investorları bir araya gətirərək investorlar şəbəkəsini formalaşdırmaq və eyni zamanda onların global startaplara investisiya qoymaqla Azərbaycanda startap ekosisteminin inkişafına töhfə verməkdir.

Sözügedən məktəbdə tədris alan şəxslərə startaplardan ibarət portfel yaratmaq, seçimləri düzgün aparmaq və maksimum uğurlu nəticələr əldə etmək istiqamətində biliklər öyrədiləcək, qlobal bazara daxil olmaq üçün imkanlar yaradılacaq. Məktəbdə təlim sessiyaları ABŞ-dan olan ekspertlər tərəfindən ingilis dilində həyata keçiriləcək. 

Qeyd edək ki, məktəbin ilk təlim sessiyası 6-8 dekabr tarixlərində keçirilmiş və 109 mələk investor məzun olub.