Bu ilin birinci rübündə “Unicapital İnvestisiya Şirkəti”nin Bakı Fond Birjasında (BFB) dövriyyəsi 1071 əqd üzrə 807,8 milyon manat təşkil edib. 

Valyuta.az xəbər verir ki, bu, ötən ilin eyni dövrünə nisbətən 63,6 milyon manat azdır. Halbuki, 2023-cü ilin yanvar-mart aylarında “Unicapital” 871,4 milyon manat birja əməliyyatı həyata keçirmişdi. 

İnvestisiya şirkətinin birja əməliyyatlarının 435 milyon manatı repo, 116,3 milyon manatı dövlət qiymətli kağızlarının, 49,2 milyon manatı Mərkəzi Bankın istiqrazlarının, 207 milyon manatı korporativ istiqrazların payına düşüb. Mart ayında İnvestisiya şirkəti bu il ərzində ilk dəfə səhmlər üzrə 220 min manatlıq əməliyyat icra edib. 

Qeyd edək ki, bundan əvvəl investisiya şirkəti Valyuta.az-a bildirilmişdi ki, dövriyyənin azalması bütün xidmətləri deyil, yalnız daxili bazarı əhatə edir.

Leyli