“Xoşbəxtliyin sirri” 1,5 milyon dollara satılıb

Əsrlər boyu insanlar xoşbəxtliyin sirrini axtarıblar. Hər kəs ‘Xoşbəxtlik nədir?’ sualına cavab tapmaq istəyib. Bəziləri bunun üçün xüsusi formulun mövcud olduğunu belə düşünüb, elmi və fəlsəfi araşdırmalar aparıb. Tarix boyunca böyük düşünürlər, alimlər və filosoflar insan həyatının məmnuniyyət və xoşbəxtlik mənbəyini tapmağa çalışıblar.

Valyuta.az xəbər verir ki, “Xoşbəxtliyin sirri” Albert Eynşteynin bir kuryəyə verdiyi yazılı qeydlərdə öz əksini tapıb.

Albert Eynşteynin 1922-ci ildə Yaponiyanın Tokio şəhərindəki Imperial Otelində bir kuryəyə verdiyi yazılı qeydlər, 2017-ci ildə keçirilən hərracda 1,56 milyon dollara satıldı. Bu qeydlər, Eynşteynin "xoşbəxtliyin sirri" ilə bağlı verdiyi məsləhətləri əks etdirirdi.

Hərrac İsrailin Qüds şəhərində, Winner’s Auctions and Exhibitions adlı hərrac evində keçirilib. İlk ən yüksək təklif 1,3 milyon dollar olsada, real alıcı tərəfindən 1,56 milyon dollara satın alınıb. Alıcının anonim bir kolleksiyaçı olduğu bildirilir.

Niyə bu qeydlər bu qədər dəyərli idi?

Eynşteynin öz əli ilə yazdığı qeydlər, onun şəxsi düşüncələrini və həyat fəlsəfəsini əks etdirirdi. Həm də Eynşteynin şəxsi yazıları nadir tapılan əşyalar olduğundan, kolleksiyaçılar üçün yüksək qiymətə sahibdir.

Qeydlərdə nə yazılmışdı?

Qeydlərdə əsasən 2 məzmun başlığı altında fikirlər yazılmışdı. 

1. “Sakit və təvazökar bir həyat, davamlı narahatlıqla müşayiət olunan uğur axtarışından daha çox xoşbəxtlik gətirir.”
2. “İstək varsa, yol da vardır.”

Qeyd edək ki, Eynşteyn, 1922-ci ildə Tokioda qalarkən, bir kuryəyə verdiyi bu qeydləri, ona verdiyi xidmətə qarşılıq olaraq yazmışdı. 
Eynşteynin bu qeydləri, sadəcə bir yazı parçası deyil, həm də onun həyat fəlsəfəsini və insanlara verdiyi dəyəri simvolizə edir. Bu qeydlərin yüksək qiymətə satılması, həm də Eynşteynin düşüncələrinin zamanla necə dəyər qazandığının bir göstəricisidir.

Tənzilə Ağabalayeva