Toplanan 2,7 milyon manatlıq sığorta üzrə ödəniş edilməyib

Bu ilin yanvar-aprel aylarında Azərbaycanda fəaliyyət göstərən sığorta şirkətləri tərəfindən bəzi sığorta sinifləri üzrə sığorta haqqı toplansa da, heç bir ödəniş olunmayıb.

Valyuta.az xəbər verir ki, toplanan sığorta haqqının həcmi 2 milyon 779 min manat olub. 

Sığorta haqqı toplanan, amma heç bir ödəniş olmayan sığorta sinifləri aşağıdakı kimidir:

Su nəqliyyat vasitələrinin sığortası: 200 min manat

Dəmiryol nəqliyyatı vasitələrinin sığortası: 22 min manat

İşçilərin dələduzluğu sığortası: 86 min manat

İşəgötürənin məsuliyyət sığortası: 161 min manat

Yük daşıyanın mülki məsuliyyətinin sığortası: 6 min manat

Su nəqliyyatı sahiblərinin mülki məsliyyətinin sığortası: 2 milyon 129 min manat

Mülki-hüquqi müqavilə üzrə mülki məsuliyyətin sığortası: 150 min manat

İşin dayanması ilə bağlı risklərdən sığorta: 1000 manat

Digər icbari sığorta növləri: 24 min manat

Maya Hüseynova