Səməni pivəsinin bir dekalitrini 20 manata hardan almışıq?

2025-ci ilin yanvar-fevral aylarında Azərbaycana ümumilikdə 52,69 min dekalitr (dkl) həcmində Səməni pivəsi idxal edilib.

Valyuta.az xəbər verir ki, bu idxal üçün ölkə ümumilikdə 732 min 740 ABŞ dolları məbləğində xərc çəkib.

İdxalın əsas hissəsi Rusiya və Qazaxıstandan həyata keçirilib.

Belə ki, Rusiyadan 11,91 min dkl pivə gətirilib və bunun müqabilində 96 min 760 dollar ödənilib. Hesablamalara görə, Rusiyadan idxal olunan hər bir dkl Səməni pivəsi orta hesabla 8,12 dollara (təxminən 13 manat 81 qəpik) başa gəlib.

Qazaxıstandan isə 10,58 min dkl pivə idxal olunub və bu məqsədlə 126 min 50 dollar xərc çəkilib. Beləliklə, Qazaxıstandan gətirilən hər bir dkl Səməni pivəsinin orta qiyməti 11,91 dollar (təxminən 20 manat 25 qəpik) təşkil edib.

Maya Hüseynova