“Səhvləri toplayır, təcrübəni bölüşürlər” - Onlar kimdir?

Françayzinq sahibi və rəhbəri olmaq üçün hansı xüsusiyyətlər vacibdir? Bu sualın cavabını sahədə uğur qazanan aparıcı şəxslər qeyd edib.

Valyuta.az xəbər verir ki, onlar bildirirlər ki, zirvədə qalmaq üçün liderlik bacarığı ilə yanaşı, aydın vizyon, effektiv ünsiyyət və sahibkarlıq düşüncəsi önəmlidir.

Françayz liderləri uzunmüddətli və dayanıqlı sistem qurmağın nə demək olduğunu yaxşı bilirlər. Bu səbəbdən onlardan yaxşı françayzerlərlə əla françayzerləri fərqləndirən əsas xüsusiyyətləri bizimlə bölüşmələrini istədik. Əgər artıq françayz sahiblərindəsinizsə və ya bu sahəyə girməyi düşünürsünüzsə, bu fikirlər sizin üçün yol göstərici ola bilər.

“Onlar vizyonerlərdir, planla hərəkət edirlər”

Adam Sartin, “Motto Mortgage” şirkətinin françayz böyüməsi və inkişafı üzrə vitse-prezidenti

"Onlar təkcə bir biznes deyil, bir hərəkat yarada bilən markalar qurmağı bacarırlar və onları digərlərindən fərqləndirən əsas xüsusiyyətlər şəffaflığa, sabitliyə və mədəniyyətə verdikləri dəyərdir. Françayz sahiblərinə qalib gəlmək üçün lazım olan alətləri, oyun planını və azadlığı təqdim edirlər – amma markanı böyük edən əsas mahiyyəti qorumağı da unutmurlar".

“Yaxşı françayzerlər dinləyirlər, əla françayzerlər əlaqə qururlar”

Erik Martin (Erik Martin), “Lawn Doctor” şirkətinin françayz inkişafı üzrə baş vitse-prezidenti:

"Yaxşı françayzerlər sahiblərinə qulaq asır. Əla françayzerlər isə məsləhət şuraları yaradır və françayz sahiblərinin işləyən metodları və inkişaf imkanlarını bölüşə biləcəyi rəy dövrünü təmin edirlər. Ən yaxşılar isə səhvləri toplayır və françayz sahibləri arasında ən yaxşı təcrübələrin açıq şəkildə paylaşılmasına şərait yaradır".

“Uğurlu françayzerlər sahibkarlıq düşüncəsinə malikdirlər”

Doq Dikison (Doug Dickison), “Destination Athlete” şirkətinin qurucusu və idarə heyətinin sədri:
"Onlar biznesə yaradıcı və innovativ ruhla yanaşır, daim yeni imkanlar və inkişaf yolları axtarırlar. Sahibkarlıq düşüncəsinə sahib françayzer bazardakı dəyişikliklərə uyğunlaşmağa, hesabatlı risklər almağa və françayz şəbəkəsinin uğurunu aktiv şəkildə irəli aparmağa hazırdır".

Mayya Hüseynova