Qazlı içkidən Parisə qədər alış-veriş edə biləcəyiniz valyuta 

Daha yaxın keçmişə qədər kriptovalyuta ilə kola almaq ideyası fantastika kimi görünürdü. Rəqəmsal aktivlər əsasən investisiya və spekulyasiya aləti kimi qəbul edilirdi, gündəlik alış-veriş üçün vasitə kimi yox. Bu gün vəziyyət dəyişib: kripto getdikcə daha çox real həyatda istifadə olunur - kiçik xərclərdən iri alışlara qədər.

Bu gün "Binance Pay" kimi xidmətlər sayəsində kriptovalyuta ilə təkcə qazlı içki deyil, həm də minlərlə müxtəlif mal və xidmət üçün ödəniş etmək olar - Tuluza metrosundan tutmuş Parisdəki Printemps mağazasında alış-verişə və dünyanın müxtəlif yerlərində otel sifarişinə qədər.

Supermarketdən butikə qədər

Belə ödənişlər üçün xüsusi həllər mövcuddur - lokal fintex platformalarından beynəlxalq xidmətlərə qədər. Ən böyüklərindən biri artıq 32 000-dən çox onlayn və oflayn mağazada inteqrasiya olunmuş Binance Pay-dir.

Və söhbət yalnız stablecoin-lərlə məhdudlaşmır. "Bitcoin", "Ethereum", "BNB" və daha yüzlərlə kriptovalyuta ilə ödəniş etmək mümkündür. Hər şey sadədir: "Binance" tətbiqində satıcının QR kodunu skan etmək, ödənişi təsdiqləmək kifayətdir - alış tamamlanır.

Kripto insanlar və… onların ev heyvanları üçün

"Binance Pay" istifadəçilərinin hekayələri sübut edir ki, kripto ödənişlər ən gözlənilməz hallarda da işə yarayır. Braziliyada bir it sahibi ev heyvanının dermatitmüalicəsini Petz şəbəkəsində "Binance Pay" vasitəsilə Pix ilə ödəyib.
 
Tuluzada isə ictimai nəqliyyatın bütün növlərinə biletləri kripto ilə almaq olar - sadəcə stansiyada və ya tətbiqdə kodu skan etmək kifayətdir.

Premium alış-veriş və səyahətlər

Əgər Parisdəsinizsə və kripto ilə lüksü birləşdirmək istəyirsinizsə, Printemps-ə baş çəkin. Burada, Fransadakı digər 15 mağaza ilə birlikdə, dizayner geyimlərdən kosmetikaya və aksessuarlara qədər hər şeyi kriptovalyuta ilə ödəmək mümkündür. 

Səyahət edənlər üçün "Binance Pay" Travala ilə inteqrasiya olunub - bu, 3 milyondan çox otel, avia və tur təklifi olan onlayn agentlikdir. Ödəniş bir neçə kliklə - çevrilmə və əlavə komissiyasız həyata keçirilir.

Bu, istifadəçilər üçün nə deməkdir

"Binance"in məlumatına görə, Binance Pay vasitəsilə ödənişlərin işə düşdüyü gündən bəri 230 milyard dollardan çox tranzaksiya baş tutub, aktiv istifadəçilərin sayı isə 40 milyonu keçib. Kriptovalyuta ödənişləri gündəlik həyatın təbii bir hissəsinə çevrilib.

İndi kimsə sizə desə ki, kripto ilə kola almaq mümkün deyil, cavabınız hazır olacaq - tətbiqdəki QR kod.