Ötən il büdcə gəlirlərinin 59%-ni vergilər təşkil edib - SİYAHI

2024-cü ildə dövlət büdcəsinin gəlirləri 37161,8 milyon (37 milyard 161.8 milyon) manat, xərcləri 37712,7 milyon (37 milyard 712.7 milyon) manat təşkil edib. 

Valyuta.Az bu barədə Dövlət Statistika Komitəsinə istinadla xəbər verir. 
 
Məlumata görə, büdcənin icrasında 550,9 milyon manatlıq kəsir yaranıb ki, bu da ümumi daxili məhsulun 0,4 %-inə bərabər olub.

37 milyard 161.8 milyon manatlıq gəlirin 59.4 %-i  (22 milyard 063.8 milyon manatı) vergilər hesabına, 40.6 %-i isə (15 milyard 098,0 milyon manatı) vergi olmayan gəlirlər hesabına təmin edilib.

59.4%-lik verginin 23.9 %-i əlavə dəyər vergisi, 18.3 %-i hüquqi şəxslərin mənfəət (gəlir) vergisi, 5.1 %-i xarici iqtisadi fəaliyyətlə bağlı vergilər, 5.0 %-i fiziki şəxslərin gəlir vergisi, 4.2 %-i aksizlər, 1.0 %-i sadələşdirilmiş vergi, 0.9 %-i əmlak vergisi, 0.5 %-i mədən vergisi, 0.4 %-i yol vergisi və 0.1 %-i torpaq vergisi hesabına təmin edilib.

Rəqəmlə ifadədə əlavə dəyər vergisi 8894,2 milyon (8 milyard 894.2 milyon) manat, hüquqi şəxslərin mənfəət (gəlir) vergisi 6786,9 milyon (6 milyard 786.9 milyon) manat, xarici iqtisadi fəaliyyətlə bağlı vergilər 1902,9 milyon (1 milyard 902.9 milyon) manat, fiziki şəxslərin gəlir vergisi 1839,2 milyon (1 milyard 839.2 milyon) manat, aksizlər 1555,7 milyon (1 milyard 555.7 milyon) manat, sadələşdirilmiş vergi 382,9 milyon manat, əmlak vergisi 338,5 milyon manat, mədən vergisi 173,3 milyon manat, yol vergisi 135,9 milyon manat, torpaq vergisi 54,3 milyon manat təşkil edib.

Aşağıdakı cədvəldə toplanan vergilərin və həmin vergilərin büdcə gəlirlərindəki çəkisini görə bilərsiniz:

Rəhim