"OpenAI"dan sürpriz addım: Gizli müraciət etdi

Süni intellekt nəhəngləri arasında milyard dollarlıq birja mübarizəsi başlayır. 

Valyuta.az xəbər verir ki, keçən həftə “Anthropic”in atdığı gizli addımdan sonra ChatGPT-nin yaradıcısı “OpenAI” da ABŞ Qiymətli Kağızlar və Birja Komissiyasına (SEC) ilkin səhmdar təklifi (IPO) üçün layihə qeydiyyat sənədini gizli şəkildə təqdim edib.

ABŞ mərkəzli süni intellekt şirkəti “OpenAI”, mümkün ilkin səhmdar təklifi prosesi çərçivəsində ABŞ Qiymətli Kağızlar və Birja Komissiyasına (SEC) “S-1 Formu” kimi tanınan layihə qeydiyyat sənədini gizli şəkildə təqdim etdiyini açıqlayıb.

Şirkətin açıqlamasında qeyd olunub ki, sənəd SEC-ə gizli qaydada təqdim edilib və “bunun ictimaiyyətə sızacağını gözlədiyimiz üçün bunu əvvəlcədən elan edirik” ifadəsi yer alıb.

Açıqlamada ilkin səhmdar təklifinin vaxtı ilə bağlı hələlik yekun qərarın verilmədiyi bildirilib. Şirkət bəzi planlara görə prosesin xüsusi şirkət statusunda davam etdirilməsinin daha əlverişli ola biləcəyini və bunun vaxt tələb etdiyini qeyd edib.

Həmçinin vurğulanıb ki, bu proses “mürəkkəb bir balanslaşdırma” mərhələsidir və təqdim edilən müraciət şirkətin ən doğru seçim kimi qiymətləndirməsi halında daha erkən bir vaxtda birjaya çıxmasına imkan yarada bilər.

Qeyd edək ki, “Anthropic” də ötən həftə mümkün ilkin səhmdar təklifi çərçivəsində SEC-ə layihə qeydiyyat sənədini gizli şəkildə təqdim etdiyini açıqlamışdı.

Paşa Məmmədli