18 qəpiklə İtaliyada üç gün istirahət etdi - FOTO

Böyük Britaniyanın West Yorkshire bölgəsindən olan Ken Smith "Jet2holidays" şirkətinin keçirdiyi “Bid for a Break” adlı müsabiqədə cəmi 8 pens ödəməklə Romaya 3 günlük istirahət turu qazanıb.

Valyuta.az xəbər verir ki, tətil paketinə iki nəfərlik aviabilet və Room Mate Collection Gran Filippo otelində yerləşmə daxil olub. 

Adətən bu oteldə üçgünlük istirahət və uçuş paketləri 861 funt sterlinqdən başlayır. Smith isə təklif etdiyi 18p məbləğini həyat yoldaşının ad günü münasibətilə seçib: “Uzun müddətdir bu müsabiqəyə qatılıram. Nəhayət, şansım gətirdi və həyat yoldaşımla Romaya yollanacağam”, – deyə o bildirib.

Ken Smith tək qalib olmayıb. Başqa iştirakçılar da müxtəlif istiqamətlərə ucuz tətil qazanıblar – məsələn, İbizaya 95 pensə, Kiprə isə 52 pensə bilet əldə ediblər.

Qeyd edək ki, "Jet2holidays" bu tip kampaniyaları davam etdirir. Şirkət noyabr, yanvar və mart aylarında da oxşar hərrac turları keçirəcək. Növbəti mərhələnin başlanğıcı 10 noyabr, son iştirak tarixi isə 17 noyabr olaraq açıqlanıb.

Sərvanə Rəmixanova