“Azərenerji”yə əlavə 700 milyon maya qoyuldu

“Azərenerji” Açıq Səhmdar Cəmiyyətinin nizamnamə kapitalı əhəmiyyətli dərəcədə artırılıb.

Valyuta.az xəbər verir ki, şirkətin nizamnamə kapitalı 699 milyon 505 min 420 manat və ya 39,7% yüksələrək 2 milyard 460 milyon manata çatdırılıb.

Əvvəlki nizamnamə kapitalı isə 1 milyard 760 milyon 494 min 580 manat idi.

Artım nəticəsində “Azərenerji”nin səhmlərinin sayı da artıb. Hazırda hər birinin nominal dəyəri 20 manat olan 123 milyon ədəd səhmdən ibarət yeni pay strukturu formalaşıb.

Xatırladaq ki, 1997-ci ildə təsis edilən və 100% dövlət mülkiyyətində olan "Azərenerji" ASC ölkənin enerji istehsalında və ixracında aparıcı rol oynayır. Qanuni təmsilçisi Rzayev Balababa Hüseynağa oğludur.

Maya Hüseynova