Kosmetika milyarderinin 500 milyon dollarlıq incəsənət kolleksiyası hərraca çıxarılır

Kosmetika maqnatının 500 milyon dollarlıq incəsənət kolleksiyası hərraca çıxarılır - Van Qoq, Klimt və Matisse əsərləri satışda

Mərhum kosmetika milyarderi Leonard Lauderə məxsus 50-dən çox əsər növbəti həftə “Sotheby’s” tərəfindən hərraca çıxarılacaq. Satışın ümumi dəyərinin 500 milyon dollara yaxın olacağı gözlənilir.

Valyuta.az xəbər verir ki, kolleksiyaya Gustav Klimt, Edvard Munk, Anri Matisse və Vinsent Van Qoqa aid orijinal əsərlər daxildir.

Ən dəyərli əsərlər

Avstriyalı rəssam Gustav Klimtin üç əsəri ilk dəfə satışa çıxarılır və onların ümumi dəyəri azı 300 milyon dollar təşkil edəcək. Onlardan biri “Elisabeth Ledererin portreti” - rəssamın rekord qiymətə satılacağı gözlənilən əsəridir.

Məşhur fransız rəssamı Anri Matisse-in altı heykəli də kolleksiyada yer alır. “Sotheby’s” bu əsərlərin ümumi dəyərinin təxminən 40 milyon dollar olduğunu, ən iri əsərlərindən birinin isə 12-18 milyon dollar arası qiymətə satılacağını bildirib.

55 əsərlik kolleksiyada həmçinin Edvard Munkun “Yay Gecəsi” (Sankthansnatt) adlı rəsm əsəri, Van Qoqun qələm və mürəkkəblə işlənmiş eskizi, Agnes Martin və Pablo Pikassoya məxsus bir neçə əsər də var.

Hərracda ən bahalı əsərlər:

Gustav Klimt – “Elisabeth Ledererin portreti”: təxminən 150 milyon dollar

Gustav Klimt – “Çiçəkli çəmənlik”: 80 milyon dollar

Gustav Klimt – “Attersee meşə yamacı”: 70 milyon dollar

Edvard Munk – “Yay Gecəsi”: 20-30 milyon dollar

Henri Matisse – “Figure décorative”: 12-18 milyon dollar

Agnes Martin – “The Garden”: 10-15 milyon dollar

Henri Matisse – “La Serpentine”: 9-12 milyon dollar

Vincent van Gogh – “Gün batımında buğda tarlasında səpən adam”: 8-10 milyon dollar

Sərvanə Rəmixanova