İsti və sakit: Avropada payız üçün dörd az tanınan istiqamət (FOTO)

Sentyabrda Avropanın bəzi bölgələrində həm xoş hava, həm də turistlərin azlığı səyahət üçün əlverişli şərait yaradır. 

Valyuta.az xəbər verir ki, "Traveloffpath.com" nəşri bu payızda daha rahat istirahət edə biləcəyiniz dörd istiqaməti təqdim edib.

Valletta, Malta paytaxtı

Malta möhtəşəm barokko üslublu bazilikaları, qala şəhərləri və turkuaz sularla əhatələnmiş sahil kəndləri ilə tanınır. Sentyabrdan etibarən adadakı kurortlarda turist axını azalır. Avropanın cənubundakı coğrafi mövqeyinə görə havanın gündüz temperaturu təxminən 28°C olur.

Troqir, Xorvatiya

Splitin kiçik bənzəri sayılan Troqir, Adriatik sahilində yerləşir və klub həyatı ilə deyil, qədim ab-havası ilə tanınır. Payız burada ideal mövsümdür: gündüz 25°C, gecə isə 18°C olur. Dəniz hələ də üzücü dərəcədə sərinləşmir.

Siros, Yunanıstan

Santoriniyə nisbətən daha sakit və az turist cəlb edən Siros uzun qumlu çimərlikləri və şəffaf dənizi ilə seçilir. Xüsusilə Qalissas və Kini kimi kurortlarda sakit istirahət mümkündür. Sentyabr və oktyabr aylarında havanın gündüz temperaturu 25-29°C, gecə isə 19-21°C təşkil edir.

Favinyana, İtaliya

Siciliyanın qərb sahilindən 12 dəniz mili uzaqda yerləşən Favinyana təmiz təbiəti ilə fərqlənir. Ada balaca olsa da (cəmi 19,38 kvadrat mil), burada piyada və ya velosipedlə gəzinti etmək mümkündür. Çimərliklərdə sakitlik hökm sürür, xüsusilə Kalla-Adzurra körfəzi kristal suları və açıq havada yemək imkanı ilə məşhurdur. Sentyabrda burada da havalar isti qalır – təxminən 25°C.

Paşa Məmmədli