İri market şəbəkələri ilə əməkdaşlıq edən quşçuluq ferması satışa çıxarılıb - QİYMƏT

Abşeron rayonunun Fatmayı qəsəbəsində yerləşən quşçuluq təsərrüfatı satışa çıxarılıb. Kompleks bildirçin və qırqovul yetişdirilməsi, yem istehsalı və kəsim sahələrini əhatə edir.

Valyuta.az xəbər verir ki, təsərrüfatın ərazisində saatda 10 ton yem istehsal gücünə malik sex fəaliyyət göstərir.

Həmçinin, tam təchizatlı kəsim sexi mövcuddur. İstehsal olunan bildirçin yumurtası və əti ölkənin aparıcı market şəbəkələrində - “Bravo”, “Araz”, “Rahat”, “Bazarstore”, “Tamstore” və “Grand” satışdadır.

Ərazidə istehsal gücünün artırılması üçün əlavə genişlənmə potensialı da mövcuddur. Təsərrüfat kompleksinə 3 yataq otaqlı yaşayış sahəsi (ümumilikdə 6 nəfərlik), mühafizə otağı, mətbəx və 8 otaqlı ofis binası daxildir.

Təsərrüfat 4 000 000 manat qiymətlə satışa çıxarılıb.

Mayya Hüseynova