İnsana bənzər robotların ilk “Olimpiya oyunları” bu gün başlayır

Çin bu gündən etibarən dünyanın ilk insani robot oyunlarına ev sahibliyi edir. Üç gün davam edəcək tədbirdə 16 ölkədən 280 komanda hazırladıqları insani robotlarla müxtəlif yarışlarda qüvvəsini sınayacaq.

Valyuta.az xəbər verir ki, rəsmi məlumata görə, yarışlarda 500-dən çox insani robot iştirak edəcək. Turnirə Çin, ABŞ, Almaniya, Fransa, İtaliya, Pakistan, Meksika, Portuqaliya, Yaponiya və Braziliya kimi ölkələr qatılıb. 

Bu beynəlxalq tədbir süni intellekt və robot texnologiyalarının gələcək inkişafına dair mühüm bir platforma kimi qiymətləndirilir.

Sərvanə Rəmixanova