İlk 3 ayda ölkəmizə az xərclə çox ət gətirilib - Statistika

2025-ci ilin ilk 3 ayında Azərbaycana 11 min 889.75 ton dəyərində ət idxal olunub. 

Valyuta.az xəbər verir ki, idxal prosesi 24 milyon 824.85 min ABŞ dolları hesabına başa gəlib. İdxal etdiyimiz mallar arasında əsas yer tutan ət ümumi idxalın 0.44%-ni tutub. 

Ötən ilin eyni dövründə isə ət idxalı 11 min 630.88 ton təşkil edib. Bu idxal üçün 25 milyon 380,25 min ABŞ dolları ödənilib. 

İllik müqayisə üçün bildirək ki, ət idxalında 258,88 ton artım müşahidə olunub, bu da idxalda 2,2% artım deməkdir.

Ət idxalında artım müşahidə edilsə də, statistik dəyər üzrə göstəricilərdə 555,26 min ABŞ dollar dəyərində azalma olub.

Bundan başqa, 2024-cü ilin ilk 3 ayında ət idxalı ümumi idxalın 0,68%-ni təşkil edib. Beləliklə, bu məhsul üzrə ümumi idxalda da 0,24% azalma qeydə alınıb.

Sərvanə Rəmixanova