Geyim idxalında 397 milyonluq xərc

Cari ilin ilk 10 ayının statistikasına əsasən, Azərbaycana xaricdən idxal olunan geyim əşyaları və geyim üçün ləvazimatlarının dəyərində artım müşahidə edilib.

Valyuta.az xəbər verir ki, illik müqayisədə bu kateqoriya üzrə idxalın dəyəri 51 milyon 661,16 min dollar və ya 14,94% artaraq 397 milyon 256,30 min dollara yüksəlib.

Ötən ilin eyni dövründə sözügedən idxalın dəyəri 345 milyon 595,14 min dollar olub.

Bununla belə, geyim və geyim ləvazimatlarının ümumi idxaldakı payı 0,01% azalaraq 2,07% təşkil edib.