Formula-1 avtomobilləri "Lego"nun satışlarını rekord həddə çatdırdı

"Lego" bu ilin ilk yarısında gəlirlərini 12% artıraraq 34,6 milyard Danimarka kronuna (təxminən 5,4 milyard ABŞ dolları) çatdırıb. Əməliyyat mənfəəti isə 10% artaraq 9 milyard kron təşkil edib.

Valyuta.az xəbər verir ki, gəlir artımına əsasən "çiçək", "sukkulent" və Formula-1 dəstləri səbəb olub.

Şirkət bu dövrdə 314 yeni dəst satışa çıxarıb və "One Piece", "Bluey" kimi brendlərlə yeni əməkdaşlıqlar qurub. 2026-cı ildə isə "Pokemon" ilə tərəfdaşlıq planlaşdırılır.

Botanika dəstləri və "Epic Games" ilə əməkdaşlıq şirkətin istehlakçı bazasını genişləndirib. Eyni zamanda "Lego" Çin və Hindistan kimi yeni bazarlarda fiziki mağazaların sayını artırıb.

Mayya Hüseynova