Dünyanın ilk insan robot olimpiya oyunları tamamlandı VİDEO

Çinin paytaxtı Pekində tarixdə ilk dəfə keçirilən insansı robot olimpiya oyunları başa çatıb.

Valyuta.az xəbər verir ki, 3ç gün davam edən yarışlarda 16 ölkədən 280 komanda və 500-dən çox robot güclərini sınayıb.

Robotlar futbol, qaçış, masa tenisi və rəqs kimi idman növlərində çıxış ediblər. Bununla yanaşı, təmizlik və tibbi ləvazimatların çeşidlənməsi kimi gündəlik həyatda tətbiq oluna biləcək tapşırıqlarda da iştirak ediblər.

Tədbirə 192 universitet komandası və 88 startap qatılıb. Yarışlar 12 min nəfərlik Ulusal Paten Pisti arenasında keçirilib. Açılışda robotlar rəqs edib, musiqi ifa edib və kung-fu nümayiş etdiriblər. Lakin texniki nasazlıqlar və yıxılmalar da diqqətdən yayınmayıb.

Mütəxəssislər bildirirlər ki, bu oyunlar insansı robotların həm imkanlarını, həm də çatışmazlıqlarını üzə çıxarıb və onların gələcəkdə sənaye sahələrində tətbiqi üçün mühüm təcrübə qazandırıb.

Sərvanə Rəmixanova