Dünyanın ən bahalı makaronu – 3 min manat...

Makaron adətən sadə və sərfəli yemək kimi tanınır. Lakin dünyanın bir çox yerində bəzi restoranlar onu dəbdəbənin simvoluna çevirərək inanılmaz qiymətlərlə təqdim edirlər. 

Valyuta.az dünyanın ən bahalı 5 makaron yeməyini təqdim edir:

BiCE’s Lobster and Truffle Tagliolini – 2 013 dollar (3 min 422,1 AZN)

Nyu-Yorkdakı “BiCE Cucina” restoranında təqdim olunan bu menyunun mərkəzində xərçəng əti və bol ağ trüflə ilə hazırlanmış tagliolini dayanır. Dadlı kurslara dana əti, kalmar, şokoladlı mus və hətta Versace markalı boşqab da daxildir.

Agnolotti del Plin – 300 dollar (510 AZN)

San-Fransiskodakı məşhur “Quince” restoranında menyuda olmuş bu yeməkdə xüsusi ravioli xəmiri içərisində hisə verilmiş göyərçin əti, trüflə sousu və qril artişok təqdim olunur.

Butter and White Truffle Pasta – 300 dollar (510 AZN)

Sadə görünsə də, bu yemək möhtəşəm dadı ilə seçilir. İtalyan əriştələri kərə yağı sousunda hazırlanır, üzərinə isə bol ağ trüflə səpilir.

Rusticello Pasta – 150 dollar (255 AZN)

Dəniz məhsulları sevənlər üçün hazırlanan bu makaron lobster bisque sousu ilə verilir. Xüsusiliyi isə üzərinə əlavə edilən qara trüflə və Yaponiyadan gətirilən dəniz kirpisidir.

Diamond and Gold Lasagna – 100 dollar (170 AZN)

Qızıl yarpaqları ilə bəzədilmiş bu lazanya porcini göbələyi, Parma vetçinası, Kobe mal əti və mozzarella ilə hazırlanır. Ağ trüflə isə ona son dəbdəbəni qatır.

Sadə ev makaronu təxminən 15 dollara başa gəldiyi halda, bu yeməklərin qiymətləri yüzlərlə, hətta minlərlə dollara çatır. Bununla belə, onlar dünyada kulinariya dəbdəbəsinin nümunəsi sayılır.

Sərvanə Rəmixanova