DSMF‑nin Məhkəmə Mübahisələri ilə İş üzrə Mərkəzi Filialının aylıq icarə haqqı açıqlandı

Əmək və Əhalinin Sosial Müdafiəsi Nazirliyinin (ƏƏSMN) tabeliyində fəaliyyət göstərən Dövlət Sosial Müdafiə Fondunun (DSMF) “Məhkəmə Mübahisələri ilə İş üzrə Mərkəzi Filialı”nın yerləşdiyi ofis üçün keçirilmiş satınalma müsabiqəsinin ümumi dəyəri 416 900 manat təşkil edib.

Valyuta.az xəbər verir ki, tender 11 aylıq müddət nəzərdə tutduğundan, aylıq icarə haqqı 37 900 manat təşkil edir 

Qeyd edək ki, bu məbləğə vergi, rüsumlar və kommunal xərclər daxildir. Həmin qiymət ən az 2 000 m² sahə üçün nəzərdə tutulub.

Filial icra hakimiyyəti ilə bağlı hüquqi funksiyaları - əmək pensiyaları, sosial müavinətlər, ünvanlı dövlət sosial yardımları və digər ödənişlərlə bağlı məhkəmədə Nazirlik və Fondun filiallarına qarşı iddialarda təmsilçilik və müdafiəni təşkil edir. Ofis Bakı şəhəri, Nərimanov rayonu, Zərdabi prospekti, “Çinar Park” Biznes Mərkəzinin 4‑cü mərtəbəsində yerləşir. Filialın müdiri Abuzər Mütəllimovdur.

Mayya Hüseynova