Daha bir iş adamına “stop” qoyuldu

“Red Company” MMC-nin rəhbərinə “stop” qoyulub. 

Valyuta.az xəbər verir ki, bununla bağlı Şirvan Kommersiya Məhkəməsinin hakimi Namidar Misirzadə qətnamə çıxarıb. 

İş materiallarından məlum olur ki, şirkətin dövlət büdcəsinə 58 979,22 manat borcu olsa da, ödəməyib. 

Dövlət Vergi Xidmətinin Bakı şəhəri Lokal Gəlirlər Baş İdarəsi məhkəməyə müraciət edərək borc ödənilədək şirkət rəhbərinin ölkədən çıxışının məhdudlaşdırılmasını xahiş edib. Qurumun ərizəsi təmin olunub. 

“Red Company” MMC 2022-ci ildə qeydiyyata alınıb. Nizamnamə kapitalı 20 manatdır. Şirkətin qanuni təmsilçisi Abdullayev Şahin Qardaş oğludur. 

Şirkətin hazırda 67 000, 56 manat vergi borcu var. 

Hüseyn